මචං...!


v  ....ඒ මට නැත්තටම නැති කාලෙ. උඹට කියලත් එහෙමට දෙයක් තිබුනෙ නැහැ. මම කෙල්ල බලන්ඩ ඇඳගෙන ගියෙ උඹේ ඩෙනිම, ටී ෂර්ට් එක. උඹ  ටියුෂන් පාරක් දාලා කීයක්හරි හොයාගන්න ගියෙ මගෙ කබල් බයිසිකල් කට්ට ඉල්ලගෙන. ඒ කාලෙ ඒ ගැන උඹටවත් මටවත් ලැජ්ජාවක් හිතුනෙ නැහැ. ඒ අපි එකම පංතියෙ හිටියනිසා වෙන්න ඇති. 

ඒත් අද?

මඟුල් ගෙදරක යන්න හයර් එකට ගන්නවා මිසක් මට උඹේ කෝට්බෑය ඉල්ලන්න හිතෙන්නෙ නැහැ. පොඩි එකාට බෙහෙත් ගේන්න හයර් එකට ගත්ත ත්‍රීවිලර් එකක ගියත් උඹ මගේ පරණ බයික් එක ඉල්ලන්නෙත් නැහැ. ඒ අපි දැන් පංති දෙකක කියල උඹත් මමත් හිතන නිසා වෙන්න ඇති.


ඒත් ඇත්තටම හිතුවොත් මට වෙලාවකට හිතෙනවා උඹත් මමත් තවමත් එකම පංතියේම නේද කියලා.....!

Comments

  1. Wipula SumanasekeraJuly 2, 2012 at 6:36 PM

    ඔබ කාලයකින් නොදැකීමේ හිත් අමාරුවකුත් තිබුනා... හොඳ ප්‍රවේශයක් ජනක....නොනවත්වා ලියන්න... මමත් මෙහෙම දෙයක් වසර දෙකකට කලින් පටන්ගෙන දැන් අතරමඟ...
    ඔබට සුබපැතුම්...

    අපි එකම පන්තියේ.... ඒ මිනිස් කුලය මිස අන් කිසිවක් නොවේ...

    විපුල

    ReplyDelete
    Replies
    1. Garden DoctorJuly 3, 2012 at 6:50 AM

      පහුගිය කාලේ මට ටිකක් වැඩ වැඩි උනා විපුල මහත්මයෝ. ඉස්සරහට නම් ටිකක් හොඳ කාලයක් එයි වගේ.

      දිරිගැන්වීමට හදවතින්ම ස්තූතියි!

      Delete

Post a Comment

Popular posts from this blog

හමස් පෙට්ටිය

Image
මේකට ඉංගිරිසියෙන් කියන්නේ Pigeon hole කියල තමයි මධුර ඩික්ෂනරියේ නම් තියෙන්නේ. ඒත් pigeon hole කියන එකේ තේරුම තියෙන්නේ මෙහෙම. 1.“a small recess for a domestic pigeon to nest in“ 2.“each of a set of small open-fronted compartment in a work place or other organization where letters or messages may be left for individuals“ සුද්දට අනුව නම් Pigeon hole කියන්නේ නිතර භාවිතා වන දෙයක්. pigeon hole concept කියල ගණිතමය සංකල්පයකුත් තියෙනවා. ඒත් අපේ භාෂා ව්‍යවහාරය අනුව “හමස් පෙට්ටිය“ භාවිතා වෙන්නේ මීට සම්පූර්ණයෙන්ම වෙනස් අර්ථයකින්. කිසිදා භාවිතා නොවන, අනවශ්‍ය හෝ ඉතා කලාතුරකින් අවශ්‍යවන දේ තැන්පත් කිරීම තමයි ඒකේ භාවිතාව. ජනවහරේ කියැවෙන ආකාරයට කිසිදා නොකෙරෙන දේ තමයි හමස් පෙට්ටි ඇතුලේ තියෙන්නේ. මේ යෙදුම් අනුව එය මනාව පැහැදිලි වේ. “චන්ද පොරොන්දු හමස් පෙට්ටියට ගියා“ “හමස් පෙට්ටිය තුල පුස්කමින් තිබූ ඖෂධ ප්රතිපත්තිය“ “අධ්‍යාපන ප්රතිසංස්කරණ යෝජනා හමස් පෙට්ටියේ“ හමස් පෙට්ටිය ගැන සිංහල භාෂා විශාරදයෙකු වන ඩී.එෆ්.කාරියකරවන මහතා කියන්නේ, එය “හය මාසයකට“ පමණ වරක් අරින පෙට්ටියක් යන අරුතින් ඒ නම යෙදී
Read more

කැකුළු තනේ අල්ලන්නේ පොඩි වෙන්ඩ.....!

Image
“පෙදෙහි රසහව් විදුනා - දෙනෙතා ඉතා දුලබෝ“ මේ කව්සිළුමිණ රචකයා මිනිස් සමාජය තුල සාහිත්‍ය රසවින්දනය පවතින ආකාරය ගැන කියන හැටි. මේ දෙපැදියෙන් ගම්‍යවන සෘජු අදහස “සමාජයේ වෙසෙන අය අතරින් කවියක් කතාවක් සංගීතයක් රසවිඳින්නට හැකි අය ඉතා අල්පතර බව“ නමුත් ඉන් එහා ගිය “බමුණු“ මතවාදයක් මට ඒ තුල මැවී පෙනේ. එනම්, සාහිත්‍යය යනු “උගත්, බුද්ධිමත්, සතතාභ්‍යාසයෙන් කලා ශිල්පයන් ප්රගුණ කළ අයවලුන් හට පමණක් ගෝචර වන“ විෂයයක් බවට ඔසවා තබා ඇති බවයි. ඒ අනුව රසවින්දනය සාමාන්‍ය ජනයාගෙන් ඈත්කොට තබන්නට ඔවුන් උත්සහ දරා ඇතැයි සැකයක් ඉපදීම වැළැක්විය නොහැක්කකි. මේ කිසිවක් ආයාසයෙන් ප්රගුණ නොකළා වූ වද, අපේ ජන කවියා විශිෂ්ඨ ගණයේ නිර්මාණ බිහිකර ඇතිවාට සැක නැත. “සෘංගාර රසය“ කියන්නේ සාහිත්‍ය රස බෙදා දක්වන “නව නලු රස“ ට අයත් එකක්. බලන්න, ගැමි ජනයා තම ජන කවි තුලට සෘංගාරය ඔබ්බවා ඇති අාකාරය කොතරම් නම් අපූරු ද? //මල් මතිනේ මල් මතිනේ රේණු තනේ කිරි ඉඹුලේ කොළතර ලඟින මොනරුනේ ආවට වෙනුව නෑ නොකියා දුන්නු තනේ කිරිසිඳපව් පොඩි නොකරව් කැකුළු තනේ මේ පිළිතුරු කවිය.... //කුකුළුවනේ අඬලන්නේ එළිවෙන්ඩ මකුළුවනේ දැල්ලන්නේ මස් කන්ඩ බඔරිදුන
Read more

මිනිසා දේශපාලන සත්වයෙකි.......! එසේ නම් සරසවි ශිෂ්‍යයා?

" මිනිසා ලිංගික සත්වයෙක්" යැයි කියූවේ සිග්මන් ප්‍රොයිඩ්ය. එතෙක් කරලියේ පැවතුන පිළිගැනීම වූයේ "මිනිසා දේශපාලන සත්වයෙක්" ය යන ඇරිස්ටෝටල් විසින් ඉදිරිපත් කරන ලද අදහසයි. මේවා හරි හෝ වැරදි විය හැකිය. එය වෙනම ම කාරණයකි. කෙසේ වෙතත් දේශපාලනය යනු මසට සම සේ , ගසට පොත්ත සේ මානවයාගේ ජීවිතය හා සබැඳුන ක්‍රියාදාමයකි. "අපි ඉපදෙන්නත් දේශපාලනය බලපානව කියලයි මට හිතෙන්නේ" යනුවෙන් අප මිතුරු ඔසී පවසනවා ඇත්තේද එයම විය යුතුය. එමෙන්ම ප්‍රජාතන්ත්‍රවාදී සමාජයක තමන් කැමති දේශපාලන මතවාදයක් දැරීම සඳහා සෑම පුරවැසියෙකුටම සමාන අයිතිවාසිකමක් තිබිය යුතුය. විශ්වවිද්‍යාල සිසුන් එයින් වියුක්තද ? රටක ජීවනාලිය ලෙස සැලකෙන්නේ තරුණ පරපුරයි. ඔවුන්ගේ ජවය හා ශක්තිය මෙන්ම නැවුම් මතවාද හා ආකල්ප ද රටේ සංවර්ධන ව්‍යාපෘතීන් කෙරෙහි සෘජුව බලපායි. විශ්වවිද්‍යාල තුල සිටින්නේද එවන් තාරුණ්‍යයක අග්‍රගන්‍ය එලයක් නොවන්නේද ? ඔවුන් ළදරුවන් නොවේ. රටක දේශපාලන තීන්දු තීරණ කෙරෙහි ශක්‍රීයව දායකවීමේ ශක්‍යතාවයක් හා පරිචයක් මෙන්ම අයිතියක්ද ඔවුනට ඇති බව මාගේ විශ්වාසයයි. මට දැනෙන අනෙක්
Read more